BE.337 Logu no.79
SONANG

Ayat 1
Molo giot ho tu ginjang Tu na sonang Haru pareak ma i
Tuhan Jesus do mangungkap Di patalak Bahal na di ginjang i.

Ayat 2
Loas ma au mandapothon Hatiuron Di banuaginjang i
Angkupanku ma suruan mangendehon sangap ni Tuhanta i.

Ayat 3
Jesus, na parjolo laho au ma togu Tu paradianan ni
Birubiru tinobusMu BinoanMu sian pardangolan i.

Ayat 4
Ndang be olo au lohoton Ni ugasan Angka na di tano i
Mian au di halongonan ? Ndang tagamon Lao ma au tu surgo i.

Ayat 5
Lehon ma haporseaon Hagogoon Na manorus sasude
Ai malungun do rohangku Di Tuhanku Nang di ingananna pe.

Ayat 6
Na tibu do tarpatupa Ho, Debata Halalas ni rohangkon
Sian bahal hamatean Tartogihon Ho tompu tondingkinon.

Ayat 7
Jesus, Ho do na mamorsan Paminsangon Na tama di dosangki
Na so pola habiaran Be tanoman Hehe do au sian i.

Ayat 8
Nang di tano nang di surgo Ho pargogo Pujionku do tongtong
Jesus Ho hangoluanku Tu lambungMu Alap ma naposoMon.
